Тарихымыз

     Алматы қаласы білім басқармасының "№55 бөбекжай-балабақшасы ( Бұрынғы № 326 )" 1984 жылы алғашқыда 14 топтық орыс балабақшасы болып ашылған. Джаппарова Эльмира Казисқызы 1990 жылдан 2018 жылға дейін осы балабақшада меңгерушілік қызметін атқарды. Содан 1998 жылға дейін бұл балабақша аралас балабақша болды.Өмір ағымына байланысты 1998 жылдан бастап балабақша таза қазақ тілінде оқу – тәрбие жұмыстарын жалғастырды. 2018 жылы Джаппарова Эльмира Казисқызы 28 жыл балабақшада жұмыс атқарып, зейнетке шықты.

    2018 жылы осы балабақшаға Суйенбаева Гульмира Муханбаевна меңгерушілік қызметке тағайындалды. Гульмира Муханбаевна өзінің жинаған іс – тәжірибесінің арқасында балабақшаға көптеген өзгерістерді енгізді. 

   Гульмира Муханбаевна алғашқы күннен бастап өз ісіне үлкен жауапкершілікпен, ұқыптылық пен қарап, өзінің нағыз маман иесі екенін көрсете білді. Ұжымда құрметке ие, мінезі жағынан тіл табысқыш, өмірде қарапайым, ұстамды басшы. Қазіргі таңда балабақшада 13  топ жұмыс істеуде. Баланың жеке тұлға ретінде дамуына, ойын түрлерін ұйымдастыру мен еңбек сүйгіштікке тәрбиелеу бағыты жоғары көрсеткіш береді.

  Білім беру саласы бойынша балабақша аралық және аудандық іс әрекеті жақсы көрсеткіштіке жетуде. Қазіргі заман ақпараттық технологияны меңгере отырып, балалардың интеллектуалдық  дамуын қадағалау, әрбір педагог мамандардың іскерлігі.

Сонымен қатар балабақшада жоғары, білімді педагог мамандар , жұмыс жасайды. Барлық педагог мамандар кәсіби біліктілігін көрсетіп, компьютерлік сауаттылықты меңгеруде. Педагог мамандар аудандық семинарға, курстарға, әдістемелік бірлестіктерге қатысып, білімдерін жетілдіреді және тәжірибе алмасады. 

 Педагог ұжым шығармашылықпен жұмыс жүргізгенде дербес ойлайтын, дүние танымы терең, жан жақты дамыған балалар тәрбиелеп шығаруды көздейді.

Құрметті ата – аналар, балалар! Біз сіздерді біздің балабақшада көргенімізге қуанамыз. Сіздерді асыға күтеміз.